執波仔足球

越南製-Mizuno Monarcida Neo 2 Wide Elite

232104

尺碼

Quantity

Summary

+ 有啲驚喜喎😍Mizuno越製Wide版著落更軟熟❗️ Mizuno Monarcida Neo II Elite Wide - 以往嘅越製Elite版本，喺袋鼠皮呢方面硬係會比日本製爭少少… 但嚟到呢對嘅Mizuno Monarcida Neo II Elite Wide，又唔同左講法！ 《用料》 睇均晒成對鞋，不論摸上手、著上腳、造工...，都唔太搵到日製越製之間嘅分別。 前掌袋鼠皮，軟熟程度、皮嘅厚度真心搵唔到有咩分別。 但有樣野唔同左嘅… 越製鞋頭邊無左磨沙塗層保護，但個人嚟講覺得係件好事，後面會再解釋俾大家知。 鞋身人造皮嘅位置，分別係… 0，可以講係完全一樣咁濟。 《鞋底》 鞋底反而有少少唔同，個人覺得Mizuno應該要做得更加好。 用料，越製日製都係TPU，重量上亦無分別。 釘型，大家一樣係13粒圓釘，高度都係一樣。可以用到喺真草、仿草，但如果個場爛啲，啲釘會有少少”銀”腳，但都會踢得到嘅。 咁… 有咩唔同呀？越製鞋底無左拉釘嘅保護加持… 呢樣野，個人覺得都有啲重要性。你諗下… 如果甩底嘅時候，有幾粒拉釘連住，點都唔會樣衰到成個底飛出嚟俾人笑先啦… 唔知係咪因為啲膠水勁左、痴力強左，所以越製就放棄用拉釘。 Anyway 唔緊要嘅，個重點嚟喇！ 個鞋底其實仍然沿用日製果款鞋底，無重新開新模具造底，所以會見到以往拉釘嘅位置就變左啲空嘅窿窿，好鬼核突… 《鞋型、上腳感》 前面兩part唔睇，其實都唔太重要，但呢part唔睇你就蝕抵喇，希望大家有耐性睇到呢到… 鞋型，同日本製完全 一 模 一 樣 ！ 所以，如果你係闊腳肥腳，又或者你要舒服為主嘅，呢對依然係最佳選擇！ 上腳感… 大家應該都估唔到… 個人覺得係軟熟左、靈活左！ 最大原因係因為佢無左鞋頭磨砂邊，呢條邊完美包圍左成個前掌咁濟，面積上差唔多佔左1/3。 無比較就無傷害，果陣著慣日製都已經覺得好好、好舒服⋯⋯ 但當執波仔試越製嘅時候，就明顯感覺到軟熟咗、輕巧咗。因為磨砂邊會加厚咗塊皮，貼伏性會相對減低；而當你屈曲前掌嘅時候，摺位就會厚上加厚，顯得硬係有少少野頂一頂咁。 不過，越南製無左磨砂邊之後，就完全無呢個問題。成個感覺更加貼伏、軟熟、靈活。 《總結》 坦白講，執波仔係有日本製情意結，我係極之唔捨得自己著緊嘅系列轉越南製。 但無計，當已成事實而自己又無能力去改變嘅時候，惟有去嘗試接受呢個新轉變… 喺咁stereotyped 情況下，好好彩都搵到呢對鞋嘅可愛之處，上腳感比日製更軟熟同舒服，會令執波仔踏出呢步去試下帶佢出去踢波！ 不過，小弟都係會入手定多一對日製用嚟做後備，襯佢仲有得訂丫嘛，啲野臨執笠先更會懷念珍惜一樣道理😂 長文完，有實測再同大家講，多謝大家花時間睇到呢度。
#jp255 #jp260 #jp285 #jp290

You might also like